Ex Audientia Sanctissimi. Die 27 martii 1854.—Ad preces humillimas Reverendissimi Patris Jacobi Pignone del Carretto Clericorum Regularium Theatinorum Praepositi Generalis, Sanctissimus Dominus Noster Pius PP. IX. benigne inclinatus omnibus et singulis Confessariis in Universo Orbe Catholico existentibus supraenunciatam Orationem, antequam ad Sacramentales excipiendas Confessiones assideant, corde saltem contrito, et devote recitantibus centum dierum Indulgentiam semel tantum in die acquirendam, clementer est elargitus. Praesenti perpetuis futuris temporibus valituro absque ulla Brevis expeditione.
Datum Romae ex Secretaria S. Congregationis Indulgentiarum. F. Card. ASQUINIUS praefectus—Loco ϯ Sigilli.—A. Colombo secretarius.
_Oratio Caroli Episcopi Cracoviensis pro impetranda bona morte_.
O Maria sine labe concepta, ora pro nobis, qui confugimus ad Te, o refugium peccatorum, mater agonizantium, noli nos derelinquere in hora exitus nostri, sed impetra nobis dolorem perfectum, sinceram contritionem, remissionem peccatorum nostrorum, Sanctissimi Viatici dignam receptionem, extremae unctionis Sacramenti corroborationem, quatenus securi presentari valeamus ante thronum justi sed et misericordis Judicis, Dei, et Redemptoris nostri. Amen.
_Ex audientia Sanctissimi die 11 martii 1856_.
Sanctissimus Dominus Noster Pius PP. IX. omnibus et singulis utriusque sexus Christi fidelibus, qui corde saltem contriti, ac devote supradictas pias preces, jam adprobatas, ab bonam mortem impetrandam recitaverint, centum dierum Indulgentiam semel in die lucrifaciendam, clementer est elargitus. Praesentibus, perpetuis futuris temporibus valituris.
Datum Romae ex Secretaria Brevium.—L. ϯ S. Pro D. Cardinali MACCHI.—Jo. B. Brancaloni Castellani _Sub._
III. Decree Concerning The Prayer _Sacrosanctae Et Individuae Trinitati, Etc._
Urbis et Orbis. Decretum. Cum Sacrae huic Congregationi Indulgentiis Sacrisque Reliquiis praepositae in una Melden. inter alia exhibitum fuisset dubium enodandum “An ad lucrandam Indulgentiam vel fructum orationis _Sacrosanctae et individuae_ etc. necessario flexis genibus haec oratio sit dicenda, vel an saltem in casu legitimi impedimenti ambulando, sedendo recitari valeat?” Eminentissimi Patres in generalibus Comitiis die 5 Martii superioris anni apud Vaticanas Aedes habitis respondendum esse duxerunt. “Affirmative ad primam partem, negative ad secundam”. Facta itaque Sanctissimo Domino Nostro Pio PP. IX. relatione per me infrascriptum S. Congregationis Secretarium die 12 ejusdem mensis, Sanctitas Sua votum Eminentissimorum Patrum approbavit. In audientia vero Sanctissimi die 12 Iulii ejusdem anni ab Eminentissimo Cardinali praefatae S. Congregationis Praefecto habita, eadem Sanctitas Sua ex speciali gratia clementer indulsit, ut Oratio _Sacrosanctae_ etc. pro lucranda Indulgentia a Sa. Mem. Leone PP. X. adnexa, seu fructu dictae orationis, etiam non flexis genibus recitari possit ab iis, qui legitime impediti fuerint infirmitatis tantum causa. Praesenti valituro absque ulla Brevis expeditione, non obstantibus in contrarium facientibus quibuscumque.