The conclusion of the story is not very happy, for John's courage entirely failed him. Through fear he refused his aid, but ever afterwards was haunted and crossed by the evil influence of the night-riding of the fairies of Holm Glen.
Other places in Kirkcudbrightshire which have the lingering touch of fairy romance hovering around them are Hazelfield, Auchencairn, the Nick of Lochenkit, "where the fairies have been seen dancing in thousands by the pale light o' the new moon on her third nicht," and on the "rugged height of Bengairn."
The last Galloway fairy reminiscence we shall quote before passing into Dumfriesshire illustrates the malignant side of their nature, and tells of the drowning of the Morrisons in Edingham Loch, near the present town of Dalbeattie:--
"A' the hale o' braid Gallowa' has heard the story of the drownin' o' hale ane-an'-twenty o' the Morrisons o' Orr, in the Loch of Edingham, nae farder gane than Yule was a seven year. Ye mind that year the frost held on frae Hallowe'en till Februar, and at Yule the ice was mair than thretty inches in thickness, and wad hae carried a' the fouk in sax parishes roun' wi' perfect safety. On that day mony a weel-fared, sturdy chiel had been busy plying the channelstane, wi' a' their skill an' might, frae early morn, and it was not till the last blinks of the sun had lang disappeared off Brownie Fells that the contest was putten aff till the following day, and ilka ane turned his face homewards. But they hadna ha'en their feet three minutes on the side when the moon glowered o'er the tappin o' Lotus, and showed the ice they had so lately left, clad wi' unco players frae side to side; and muckle mirth, din, and deray was there, bumpers o' the red wine were flowin' roun', and there tripped maidens, jimp and tall as yon rowan-trees by the burnie side and fairer than the snow on Logan braes. Swiftly the weary players returned to the margin of the loch, but nane durst venture on the ice for a considerable time. But there were three neibor lairds, in the three Mailins of Culloch, Cocklick, and Drumlane. A' the three were surnamed Morrison, and ilka ane had seven strapping sons, wha never feared skaith frae man nor deil, and sae they a' quickly joined the thrang. Bit strange to tell, the very moment the last o' the ane-an'-twenty was aboon deep water, the ice rent from en' to en' wi' a crack a thousan' times louder than thunner, and dancers, players, and Morrisons a' disappeared in the twinkling of an eye, and the ice again resumed its former solidity, without crack or flaw. And mony a time sinsyne has the midnight wanderer observed the loch covered o'er with light-footed dancers, blithely footing it on the limpid wave, and among them the three-times-seven youths, gaily clad in elfin weeds of sylvan green, and mounted on gallant steeds of the milk-white foam. Their spears are of the green bulrashes with targets of the braidest flutterbaus; they ha'e braid swords o' the segg, and cockades of the water-lily; but they ay tak' the gate lang or the first peep o' day, and the place they left retains no the sma'est prent o' their airie feet, nor nane can tell the gate they fled."(55)