=
=
, frae the high Highlands, Came to the Lawlan border; It was to steel a lady away, To keep his Highland house in order. As he came in by White House, He sent nae ane before him; She wad hae secured the house, For she did ay abhor him. Twenty men surrount the house, an twenty they went in, They found her wi her mither; Wi sighs and cries an watery eyes They parted frae ane anither. 'O will ye be my dear?' he says, 'Or will ye be my honnie? O will ye be my wedded wife? I lee you best of ony.' 'I winna be your dear,' [she says,] 'Nor will I be your honnie, Nor will I be your wedded wife; Ye lee me for my money.' . . by the way, This lady aftimes fainted; Says, Woe be to my cursed gold, This road for me's invented! He gave her no time for to dress Like ladies when they're ridin, But set her on hie horseback, Himsel was ay beside her. Whan they came to the Black House, And at Stirling tarried, There he bought her coat and gown, But she would not [be] married. Four men held her to the priest, An four they did her bed, Wi sighs and cries an watery eyes Whan she by him was laid. 'Be content, be content, Be content wi me, lady; Now ye are my wedded wife Untill the day ye die, lady. 'My father was a Highlan laird, McGrigor was his name, lady; A' the country roun about They dreadit his great fame, lady. 'He kept a hedge about his lands, A prickle to his foes, lady, An every ane that did him wrang, He took him by the nose, lady. 'My father he delights in nout and goats, An me in horse and sheep, lady; You an twenty thousan pounds Makes me a man complete, lady. 'You're welcome to this Highlan lan, It is my native plain, lady; Think nae mair of gauin back, But tak it for your hame, lady. 'I'm gauin, [I'm gauin,] I'm gauin to France, lady; Whan I come back I'll learn ye a dance, lady. 'Set your foot, [set your foot,] Set your foot to mine, lady; Think nae mair of gauin back, But tak it for your hame, lady.' = = frae the Hielands cam Unto the Lawland border, And he has stown a ladie fair, To haud his house in order. He guarded the house round about, Himsel went in and found her out, She hung close by her mither; Wi dolefu cries and watery eyes They parted frae each ither. 'Gang wi me, my dear,' he says, 'Gang and be my honey; Gang and be my wedded wife, I loe ye best o onie.' 'I winna gang wi you,' she says, 'I winna be your honey; I winna be your wedded wife; Ye loe me for my money.' He gied na her na time to dress As ladies when they're brides, But hurried her awa wi speed, And rowd her in his plaids. He gat her up upon a horse, Himsel lap on ahind her; And they're awa to the Hieland hills; Her friends they canna find her. As they gaed oure the Hieland hills, This lady aften fainted, Saying, Wae be to my cursed gowd, This road to me invented! As they gaed oure the Hieland hills, And at Buchanan tarried, He bought to her baith cloak and goun, Yet she wadna be married. Six held her up afore the priest, Four laid her in a bed, O; Maist mournfully she wept and cried Whan she bye him was laid, O. 'O be content, be content, Be content to stay, ladie; For now ye are my wedded wife Unto your dying day, ladie. 'Rob Roy was my father calld, M'Gregor was his name, ladie; And in a' the country whare he dwalt He exceeded ae in fame, ladie. 'He was a hedge unto his friends, A heckle to his faes, ladie; And ilka ane that did him wrang, He beat him on the neis, ladie. 'I'm as bold, I am as bold As my father was afore, ladie; Ilka ane that does me wrang Sall feel my gude claymore, ladie. 'There neer was frae Lochlomond west That eer I did him fear, ladie; For, if his person did escape, I seizd upon his gear, ladie. 'My father delights in horse and kye, In sheep and goats and a', ladie, And thee wi me and thirty merks Will mak me a man fu braw, ladie. 'I hae been in foreign lands, And servd the king o France, ladie; We will get the bagpipes, And we'll hae a dance, ladie.' = = 'rrS from the Hielands come Unto our Lowland border, And he has stolen a lady away, To keep his house in order. Rob Roy's come to Blackhill's gate, Twenty men his arms did carry, And he has stolen a lady away, On purpose her to marry. None knew till he surrounded the house, No tidings came before him, Or else she had been gone away, For she did still abhor him. All doors and windows guarded were, None could the plot discover; Himself went in and found her out, Professing how he loved her.