The fals inwy, the wykkyt fell tresoun Amang thaim selff brocht feill to confusioun. 970 The knycht Wallang in Scotland maid repair; The fals Menteth, Schir Jhon, with outyn mair, Betwix thaim twa was maid a prewa band; So on a day thai met in till Annand. Off the Leynhouss Schyr Jhon had gret desyr: 975 Schyr Amer hecht he suld it haiff in hyr Till hald in fe, and othir landis to, Off king Eduuard, so he wald pass him to. Thus cordyt thai, and syn to London went; Eduuard was glaid for to hald that payment. 980 Menteth was thar bound man to that fals king, Fol. 107 b Till forthir him till Scotland in all thing; Syn passyt haym, and Wallang with him fur, Quhill he was brocht agayn our Carleill mur. King Eduuard than in ire and fers owtrage, 985 Be thretty dayis raissit his barnage; In Scotland past, and thar na stoppyng fand, Na chyftane thar that durst agayn him stand. For Menteth tald, thai thocht to mak Bruce king; All trew Scottis wald be plessyd off that thing. 990 Yeit mony fled and durst nocht bid Eduuard, Sum in to Ross, and in the Ilis past part. The byschop Synclar agayn fled in to But; With that fals king he had no will to mut. Thus, wyth out straik, the castellis off Scotland 995 King Eduuard haill has tane in his awin hand; Deuidyt syn, to men that he wald lik, Strenthis and toun to Ross throuch this kynrik. Baith hycht and waill obeyed all till his will, As he commaund thai purpos to fullfill. 1000 The byschoprykis inclynyt till his croune, Bathe temperalité and all the religioune. The Roman [bukis] that than was in Scotland, He gart be brocht to scham, quhar thai thaim fand; And, but radem, thai brynt thaim thar ilkan; 1005 Salysbery oyss our clerkis than has tane. The lordis he tuk, that wald nocht off him hald, In Ingland send full nobill blud off ald. Schyr Wilyam lang Douglace to Londe he send, In strang presoun quhar throuch he maid his end. 1010 The erll Thomas, that lord was off Murray, And lord Frysaill fra him he send away; Als Hew the Hay, and othir ayris ma, He gert Wallang with thaim in Ingland ga. Na man was left all this mayn land within; 1015 Fra Eduuardis peess, was knawin off ony kyn. Cetoun, Lawder, duelt still in to the Bass, With thaim Lundy, and men that worthi was. The erll Malcom and Cambell past, but let, In But, succour with Synclar for to get. 1020 Schir Jhon Ramsay and Rowan than fled north, To thair cusyng that lord was off Fyllorth. Quhilk past with thaim throw Murray landis rycht; Sa fand thai thar a gentill worthi knycht Fol. 108 a At Climace hecht, full cruell ay had beyn, 1025 And fayndyt weill amang his enemys keyn. He thocht neuir at Eduuardis faith to be; In till his tym he gert feill Sotheroun de. He led thir lordis in Ross with outyn mar; At the Stokfurd a stark strenth byggit thar; 1030 Kepyt that land rycht worthely be wer: Till thair enemys thai did full mekill der. Adam Wallace, and Lyndsay off Craggé, Away thai fled be nycht apon the se; And Robert Boid, quhilk was baith wyss and wicht; 1035 Arane thai tuk to fend thaim at thair mycht. The Corspatrik in to Dunbar baid still; Fewté full sone he had maid Eduuard till. Abyrnethé, lord Soullis, and Cummyn als, And Jhon off Lorn that lang had beyn full fals, 1040 The lord Brechyn, and mony othir, baid At Eduuardis faith, for gyftis he thaim maid. Justene off pees for twenty dayis set he Off Inglissmen in Lorn, at men mycht be Playn to declayr; bot, for this causs, I wyss, 1045 That all Scotland be conquess than was his. The lordis than, and byschop gud Synclar. Sone out off But thai maid a ballingar To gud Wallace; tald him thair turment haill; Than wrait thai thus to get bwte off thair baill. 1050 “Our help, our heill, our hop, our gouernour, “Our gudly gyd, our best chyftane in stour, “Our lord, our luff, our strenth, our rychtwysnas, “For Goddis saik radeym anys to grace, “And tak the croun; till ws it war kyndar, 1055 “To bruk for ay, or fals Eduuard it war.” The wryt he gat; bot yeit suffer he wald, For gret falsheid that part him did off ald. Mekill dolour it did him in his mynd, Off thair mysfayr; for trew he was and kynd. 1060 He thocht to tak amendis off that wrang: He ansuerd nocht, bot in his wer furth rang. Off king Eduuard yeit mar furth will I meill, In to quhat wyss that he couth Scotland deill. In Sanct Jhonstoun the erll off York he maid 1065 Capdane to be off all thai landis braid, Fol. 108 b Fra Tay to Dee; and wndyr him Butlar. His grantschyr had at Kynclewin endit thar, His fadyr als; Wallace thaim bathe had slayn; Eduuard tharfor maid him a man off mayn. 1070 The lord Bewmound in to the north he send. Thai lordschippys all thai gaiff him in commend. To Sterlyn syn fra Sanct Jhonstoun he went, Thair for to fulfill the layff off his entent.