[*leaf 157a] ¶ Now m{ u}ltiply 4, þe quych comes next aft{ er} 6, by þe last 2 of þe neþ{ er} nounbur toward þe lyft side. as 2 tymes 4, þat wel be 8. sette þat 8 ou{ er} þe figure the quych stondes ou{ er} þe hede of þat 2, þe quych is þe last figur{ e} of þe neþ{ er} nounbre; þan multiplie þat same 4 by 3, þat comes in þe neþ{ er} rewe, þat wol be 12. sette þe digit of þe composyt ou{ er} þe figure þe quych stondes ou{ er} þe hed of þat 3, & sette þe articule of þis co{ m}posit ou{ er} al þe figures þat stondes ou{ er} þe neþ{ er} 2 hede. þen m{ u}ltiplie þe same 4 by þe 2 in þe ry[gh]t side in þe neþ{ er} nounbur, þat wol be 8. do away 4. & sette þ{ ere} 8. Eu{ er} mor{ e} qwen þ{ o}u m{ u}ltiplies þe hier figur{ e} by þat figur{ e} þe quych stondes vnd{ er} hym, þou schalt do away þat hier figur{ e}, & sett þer þat nounbre þe quych comes of m{ u}ltiplicacio[n~] of ylke digittes. Whan þou hast done as I haue byde þe, þ{ o}u schalt haue suych an ord{ er} of figur{ e} as is her{ e},
+--------+ | 1 |. | 82 | |4648[65]| | 232 | +--------+
þen take and ant{ er}y þi neþ{ er} figures. And sett þe fyrst fig{ ur}e of þe neþ{ er} figures[{ 11}] vndre be figur{ e} of 6. ¶ And draw al þe oþ{ er} figures of þe same rewe to hym-warde, [*leaf 157b] as þ{ o}u diddyst afore. þen m{ u}ltiplye 6 be 2, & sett þat þe quych comes ou{ er} þ{ ere}-of ou{ er} al þe oþ{ er} figures hedes þat stondes ou{ er} þat 2. þen m{ u}ltiply 6 be 3, & sett all{ e} þat comes þ{ ere}-of vpon all{ e} þe figur{ e}s hedes þat standes ou{ er} þat 3; þa{ n} m{ u}ltiplye 6 be 2, þe quych stondes vnd{ er} þat 6, þen do away 6 & write þ{ ere} þe digitt of þe composit þat schal come þ{ ere}of, & sette þe articull ou{ er} all{ e} þe figures þat stondes ou{ er} þe hede of þat 3 as her{ e},
+------+ | 11 | | 121 | | 828 | |464825| | 232 | +------+
þen ant{ er}y þi figures as þou diddyst afor{ e}, and m{ u}ltipli 5 be 2, þat wol be 10; sett þe 0 ou{ er} all þe figures þ{ a}t stonden ou{ er} þat 2, & sett þ{ a}t 1. ou{ er} the next figures hedes, all{ e} on hye towarde þe lyft side. þen m{ u}ltiplye 5 be 3. þat wol be 15, write 5 ou{ er} þe figures hedes þat stonden ou{ er} þ{ a}t 3, & sett þat 1 ou{ er} þe next figur{ e}s hedes toward þe lyft side. þen m{ u}ltiplye 5 be 2, þat wol be 10. do away þat 5 & sett þ{ ere} a 0, & sett þat 1 ou{ er} þe figures hedes þat stonden ou{ er} 3. And þen þou schalt haue such a nounbre as here stondes aftur.[*leaf 158a]