When first she look'd the letter on She was baith red and rosy, 10 But she had na read a word but twa, Till she wallow't like a lily.

"Gar get to me my gude grey steed, My menzie a' gae wi' me, For I shall neither eat nor drink, 15 Till Enbrugh town shall see me."

English and Scottish Ballads Volume VIII (of 8) — Part 38

And she has mountit her gude grey steed Her menzie a' gaed wi' her; And she did neither eat nor drink, Till Enbrugh town did see her.[L20] 20

English and Scottish Ballads Volume VIII (of 8) — Part 38

And first appear'd the fatal block, And syne the aix to head him, And Geordie cumin down the stair, And bands o' airn upon him.

English and Scottish Ballads Volume VIII (of 8) — Part 38

But tho' he was chain'd in fetters strang, 25 O' airn and steel sae heavy, There was na ane in a' the court, Sae bra' a man as Geordie.

O she's down on her bended knee, I wat she's pale and weary,-- 30 "O pardon, pardon, noble king, And gie me back my dearie.

"I hae born seven sons to my Geordie dear, The seventh ne'er saw his daddie; O pardon, pardon, noble king, 35 Pity a waefu' lady!"

"Gar bid the headin-man mak haste," Our king reply'd fu' lordly;-- "O noble king, tak a' that's mine, But gie me back my Geordie." 40

The Gordons cam, and the Gordons ran, And they were stark and steady; And ay the word amang them a', Was, "Gordons, keep you ready."

An aged lord at the king's right hand, 45 Says, "Noble king, but hear me; Gar her tell down five thousand pound, And gie her back her dearie."

Some gae her marks, some gae her crowns, Some gae her dollars many; 50 And she's tell'd down five thousand pound, And she's gotten again her dearie.

She blinkit blythe in her Geordie's face, Says, "Dear I've bought thee, Geordie; But there sud been bluidy bouks on the green, 55 Or I had tint my laddie."

He claspit her by the middle sma', And he kist her lips sae rosy; "The fairest flower o' woman-kind, Is my sweet, bonnie lady!" 60

20. Cunningham here inserts a stanza "from the recitation of Mrs. Cunningham," which is not in the other printed copies:

And soon she came to the water broad, Nor boat nor barge was ready; She turned her horse's head to the flood, And swam through at Queensferry.

Kinloch's _Ancient Scottish Ballads_, p. 192.

There was a battle in the North, And rebels there were monie; And monie ane got broken heads, And taken was my Geordie.

_My Geordie O, my Geordie O,_ 5 _O the love I bear to Geordie;_ _For the very grund I walk upon,_ _Bears witness I loe Geordie._