Word is gane to our noble King, In Edinburgh where that he lay, That there was an Outlaw in Ettrick Forest, Counted him nought, nor a’ his courtrie gay.

“I make a vow,” then the gude King said, “Unto the Man that dear bought me, I’se either be King of Ettrick Forest, Or King of Scotland that Outlaw sall be!”

Story-Telling Ballads — Part 105

Then spake the Lord hight Hamilton, And to the noble King said he, “My sovereign Prince, some counsel take, First at your nobles, syne at me.

Story-Telling Ballads — Part 105

“I rede ye, send yon braw Outlaw till, And see gif your man come will he: Desire him come and be your man, And hold of you yon forest free.

Story-Telling Ballads — Part 105

“Gif he refuses to do that, We’ll conquer baith his lands and he! Or else we’ll throw his Castle down, And mak’ a widow o’ his gay Ladye.”

The King then called a gentleman, James Boyd (the Earl of Arran’s brother was he); When James he came before the King, He kneeled before him on his knee.

“Welcome, James Boyd!” said our noble King, “A message ye maun gang for me; Ye maun hie to Ettrick Forest, To yon Outlaw, where bideth he.

“Ask him of whom he holds his lands, Or man wha may his master be, And desire him come and be my man, And hold of me yon forest free.

“To Edinburgh to come and gang, His safe warrant I sall gie; And gif he refuses to do that, We’ll conquer baith his lands and he.

“Thou mayst vow I’ll cast his Castle down, And mak’ a widow o’ his gay Ladye; I’ll hang his merrymen, pair by pair, In ony frith where I may them see.”

James Boyd took his leave o’ the noble King, To Ettrick Forest fair cam’ he; Down Birkendale Brae when that he cam’, He saw the fair forest wi’ his ee.

Baith dae and rae, and hart and hind, And of a’ wild beasts great plentie; He heard the bows that boldly ring, And arrows whidderan’ him near by.

Of that great Castle he got a sight; The like he ne’er saw wi’ his ee! On the fore front o’ that Castle fair, Twa unicorns were bra’ to see; The picture of a Knight, and Lady bright, And the green hollin abune their bree.

Thereat he spyed five hundred men, Shooting with bows on Newark Lee; They were a’ in ae livery clad, O’ the Lincoln green sae gay to see.

His men were a’ clad in the green, The Knight was armed capapie, With a bended bow, on a milk-white steed; And I wot they ranked right bonnilie.