[Sidenote: Maggots in sheep.] If a shepe haue mathes, ye shall perceyue it by her bytynge, or fyskynge, or shakyng of her tayle, and mooste commonlye it is moyst and wete: and if it be nyghe vnto the tayle, it is ofte tymes grene, and fyled with his 4 [Sidenote: How cured.] dounge: and than the shepeherde muste take a payre of sheres, and clyppe awaye the woll bare to the skynne, and take a handfull of drye moldes, and cast the moldes thervpon to drye vp the wete, and then wype the muldes 8 away, and lay terre there as the mathes were, and a lyttell farther. And thus loke theym euery daye, and mende theym, if they haue nede.
46. ¶ Blyndenes of shepe, and other dyseases, and remedies therfore.
[Sidenote: Blindness in sheep.] There be some shepe that wyll be blynd a season, and yet mende agayn. And if thou put a lytel terre in his eye, he will mende the rather. There be dyuers waters, & [Sidenote: [Fol. 31.]] other medicyns, that wolde mende hym, but this is 4 [the] mooste common medicyne that shepeherdes vse.
47. ¶ The worme in the shepes fote, and helpe therfore.
There be some shepe, that hath a worme in his foote, [Sidenote: Worms in a sheep’s foot.] that maketh hym halte. Take that shepe, and loke betwene his clese, and there is a lyttell hole, as moche as a greatte pynnes heed, and therin groweth fyue or syxe 4 blacke heares, lyke an inche long and more; take a sharpe poynted knyfe, and slytte the skynne a quarter of an inche long aboue the hole and as moche benethe, and put thy [Sidenote: How cured.] one hande in the holowe of the fote, vnder the hinder 8 clese, and set thy thombe aboue almooste at the slytte, and thruste thy fyngers vnderneth forward, and with thy other hand take the blacke heares by the ende, or with thy knyues poynte, and pull the heares a lyttell and a 12 lyttell, and thruste after thy other hande, with thy fynger and thy thombe, and there wyll come oute a worme lyke a pece of fleshe, nygh as moche as a lyttel fynger. And whan it is out, put a lyttel tarre into the hole, and it wyll 16 be shortely hole.
[Sidenote: [Fol. 31_b_.]] 48. ¶ The blode, and remedy if one come betyme.
There is a sicknes amo_n_g shepe, and is called the [Sidenote: ‘The blood’ in sheep.] bloude; that shepe, that hath that, wil dye sodeinly, and er he dye, he wil stande stil, and hange downe the heed, & other-while quake. If the shepeherde can espye 4 hym, let him take and rubbe hym about the heed, & specyally about his eares, and vnder his eyen, & with [Sidenote: Cut off the sheep’s ears.] a knyfe cut of his eares in the middes, & also let hym blode in a veyne vnder his eien: and if he blede wel, 8 he is lyke to lyue; and if he blede not, than kil him, and saue his fleshe. For if he dye by hym-selfe, the flesshe is loste, and the skyn wyll be ferre ruddyer, lyke blode, more than an other skynne shall be. And it taketh 12 mooste commonly the fattest and best lykynge.