And prynte ye trewly your memorie For a princypal point of fair noreture Ye depraue no man absent especyally 157 [Sidenote: and don't run down absent men.] Saynt austyn amonessheth with besy cure [Sidenote: St. Austin.] How men atte table / shold hem assure That there escape them / no suche langage As myght other folke hurte to disparage 161

This curteise clarke writeth in ryght this wyse, Rebukyng the vice of vile detracc_i_ou_n_; 'What man hit be that of custome and guise 164 Hurteth wyth his toung wyth foule corrosiou_n_ The absent wight, for that abusiou_n_ Suche detractoure [wayue][1] from this table [Sidenote 1: A word loss.] As vn-worthe, not to be reprocheable. 168

Caxton's Book of Curtesye — Part 16

Whan ye sitten therfor at your_e_ repaste, Annoyethe no man present nor absent, But speketh feyre, for and ye make waste 171 Off [large] langage, for soth ye most be schent; And wan ye speke, speketh wyth good entent Of maters appendyng to myrth and plesaunce, But nothyng that may causen men greuaunce. 175

Caxton's Book of Curtesye — Part 16

Eschewe also taches of foule rauenyng, Of gredy lust the vncurteyce appetite; Pres not to sone to your_e_ viaunde, restraine 178 Your_e_ handis a while wyth manerly respytte; Fedith for necessite, not for delite, Demeneth you in mete and drink soo sobrely, That ye be not infecte wyth gloteny.' 182

Caxton's Book of Curtesye — Part 16

¶ This curteys clerke wryteth i_n_ _th_is wyse, Rebukyng the vyce of vyle detracc_i_on: what may yt be _tha_t of custu_m_ & gvyse 164 hurteth w_i_t_h_ tonge or by fowle colusyon The absente / weyne[1] ye for _tha_t abusyon [Sidenote 1: or weyne] Suche a detractowr_e_ from the table As vnworthy & also reprocheable. 168

¶ Whan ye sytte _ther_for at yo_u_r repast, Annoye ye no ma_n_ present nor absente, but speke ye fewe; for yff ye make wast of large langage, for soth ye must be shent. 172 & wha_n_ ye speke // speke w_i_t_h_ good Intent Off maters accordyng vnto plesavnce, but no thy_n_ge _tha_t may cavse me_n_ grevaunce.

¶ Eschewe also tacches of fowle ravayne, of gredy luste; w_i_t_h_ vncurteys appetyte 177 prece not to sone; fro yo_u_r vyande restrayn_e_ yo_u_r hand a while w_i_t_h_ manerly respyte; ffede you for necessyte, & not for delyte. 180 Demene you w_i_t_h_ mete & dry_n_ke so soberly That ye not be Infecte wyth glotony.