William' Hardel, drap'. John Travers. Anno xvij^{ o}.[1] Andr' Newlond.
This yere, on seynt Lukes day, the kyng deyde and was beried at Westm'.
NOMI'A MAIOR' ET VICECOMITU' LONDON' TEMPORE REGIS HENR' T'CIJ, QUI CORONATUS FUIT APUD GLOUCESTR' IN DIE S'C'OR' SIMONIS ET JUDE ANNO D'NI MILL'MO CC^{ m} xvj, ET ANNO ETATIS SUE NONO.
Jacob' Alderman maior Benet Seynturer, A^{ o}. p^{ o}. p' p'te anni, et goldsmyth. Salamon Basyng p' Will's Blounitners. residuo.
In this yere Walys was entirdited: also Eustache the Monk wyth manye Frensshemen as he was comynge into Engelond ward, for to helpe Lowys the kynges sone of Fraunce, was taken in the see be Hubert of Burgh and the V portes; and Eustache heed was smeten of, and the schippes drowned. And in this yere Lowys retorned home ayene with his meyne, and he hadde a m^{ l}' mark of sylver.
Cerle, merc', maior. Thomas Bokerell. A^{ o} s'c'do. Rauf Guylond.
In this same yere the barons were take at Lincoln.[2]
Id'm maior. John Vyell. A^{ o}. t'cio. John Spyc'.
[Sidenote: Translacio' s'c'i Thome archie'pi Cantuar'.]
This yere the kyng hadde of every plough land in Engelond ij _s._ And in this yere seynt Thomas of Canterbury was translated the l yere after his martirdome.
Id'm maior. Ric' Wymbulden. Anno iiij^{ to}. John Vyell.
This yere the kyng was crowned ayeyn at Westminster, and Hubert of Burgh was mad the kynges chief justice.
Id'm maior. Ric' Reng'. Anno v^{ to}. John le Josne.
[Sidenote: Plees of the crowne. Castell of Bedf' was stroid.]
This yere of oure lord a m^{ l}ccxxiiij,[3] the emperour Baldewyn which whanne he wente to bataile to fyghte with Godes enemyes he hadde a croos boren before hym, whiche crosse seynt Eleyne made of the crosse that Cryst deyde upon; and there was an Englyssh prest that tyme with hym that was called S^{ r}. Hughe, and he was borne in Norfolke, the whiche preest broughte the same crosse to Bromholm in Norfolke. Also in this yere the plees of the crowne were pletyd in the tour of London. Also in this yere was the castell of Bedford beseged, whiche endured fro the ascencione of oure lord unto the assumpcion of oure lady; at whiche day be greet crafte and strong assaught it was wonne and distroid: and sithe it was not beldyd ayeyne because it was rebell to the kyng. Also in this yere began the ordre of Frere Carmes. Also in this yere upon seynt Lukes day there blew a gret wynd out of the north, whiche caste doune manye houses, steples and torrettes of chirches, and turned up so downe trees in wodes and in orchardes, at whiche tyme fyry dragons and wykkes spirytes grete noumbre were seyn openly fleyng in the eyre.