“A l’esquier de cuisine Martin, je donne mille franks; mille franks à Hambel, e le laisse à mon cousin de Guise, son parein, a le mettre en quelque lieu en son service.
“Je laysse sinq cens franks à Robin Hamilton et prie mon filz le prendre, é Monsieur de Glascou faulte de luy, ou l’evesque de Rosse.
“Je laysse à Didier son grefe sous la faveur du roy.
“Je donne sinq cens franks à Jean Landere, é prie mon cousin de Guise ou d’Humaine (pour du Maine) le prendre en leur service, é a Messieurs de Glascou et de Rosse qu’ils ayent soing de le voir preveu; je veulx que son père soyt payé de ces gages, et luy laysse sinq cens franks.
“Je veulx que mille franks soyent payez à Gourgeon, pour argent et aultres chozes qu’ils m’a fournies en ma nécessité.
“E je veulx que si Bourgoin accompli le voiage du vœu qu’il a faict pour moy à S. Nicolas, que quinze franks lui soyent livrés à cet effet. Je laysse selon mon peu de moyen six mille franks à l’evesque de Glascou, troys mille à celuy de Rosse. E je laysse la donaison des alsualities et droicts seigneriaux recelez à mon filleul, filz de M. Duruisseau.
“Je donne troys cens franks à Laurents, plus troys cens franks à Suzanne, é laysse dix mille franks entre les quatre parties, qui out esté respondant pour moy é au solliciteur parmy.
“Je veulx que l’argent provenant des meubles que j’ay ordonnez estre vendus à Londres soyt pour defroyer le voyage de mes gens jusques en France.
“Ma cosche je la laysse pour mener mes filles, é les chevaulx pour les vendre ou aultrement en faire leur commoditez.
“Il y a environ cent esqus des gages des années passées deus à Bourgoin, que je veulx luy estre payez.
“Je laysse deux mille franks à Meluin, mon maystre d’hostel.
“Je ordonne pour principal exécuteur de ma volonté mon cousin le Duc de Guise, é aprez luy l’Archevesque de Glascou, l’evesque de Rosse, et M. Duruisseau, mon chancelier.
“J’entends que sans faulte le preau jouisse de ces deux prependes.
“Je recommande Marie Pages, ma filleule, à ma cousine Madame de Guise, é la prie de prendre en son service; é ma tante de S. Pierre fayre mettre Montbraye en quelque bon lieu, ou la retenir en service pour l’honneur de Dieu.
“Faict ce jourd’hui 7 Feubrier, mil sinq cens octante é sept.
