She has ta’en a small horn, An’ loud an’ shrill blew she, An’ a’ the fish came her untill But the machrel of the sea: ‘Ye shapeit me ance an unseemly shape, An’ ye’s never mare shape me.’
He has sent to the wood For whins and for hawthorn, An’ he has ta’en that gay lady, An’ there he did her burn.
Der lived a king inta da aste[133], _Scowan ürla grün_[134] Der lived a lady in da wast. _Whar giorten han grün oarlac._[135]
Dis king he has a huntin gaen, He’s left his Lady Isabel alane.
‘Oh I wis ye’d never gaen away, For at your hame is döl an wae.
‘For da king o Ferrie we his daert, Has pierced your lady to da hert.’
And aifter dem da king has gaen, But when he cam it was a grey stane.
Dan he took oot his pipes ta play, Bit sair his hert wi döl an wae.
And first he played da notes o noy[136], An dan he played da notes o joy.
An dan he played da göd gabber reel[137], Dat meicht ha made a sick hert hale.
‘Noo come ye in inta wir[138] ha’, An come ye in among wis[139] a’.’
Now he’s gaen in inta der ha’, An he’s gaen in among dem a’.
Dan he took out his pipes to play, Bit sair his hert wi döl an wae.
An first he played da notes o noy, An dan he played da notes o joy.
An dan he played da göd gabber reel, Dat meicht ha made a sick hert hale.
‘Noo tell to us what ye will hae: What sall we gie you for your play?’--
‘What I will hae I will you tell, An dat’s me Lady Isabel.’--
‘Yees tak your lady, an yees gaeng hame, An yees be king ower a’ your ain.’
He’s taen his lady, an he’s gaen hame, An noo he’s king ower a’ his ain.
[134] _Scowan_ &c. = Early green’s the wood.
[135] _giorten_ &c. = Where the hart goes yearly.
[137] göd gabber reel = the rollicking dance-tune.
Let never a man a wooing wend That lacketh thingis three; A routh[140] o’ gold, an open heart And fu’ o’ courtesye.
As this I speak of King Henry, For he lay burd-alone[141]; An’ he’s doen him to a jelly[142] hunt’s ha’ Was seven mile frae a town.
He’s chased the deer down him before, An’ the roe down by the den, Till the fattest buck in a’ the flock King Henry he has slain.
O he has doen him to his ha’ To make him bierly[143] cheer; An’ in it came a griesly ghost Steed stappin’ i’ the fleer[144].
Her head hat[145] the roof-tree o’ the house, Her middle ye weel mot[146] span; He’s thrown to her his gay mantle, Says, ‘Lady, hap[147] your lingcan[148].’