"The roo full rekeles ther sche rinnes, To make the game and glee; The fawkon and the fesaunt both, 55 Amonge the holtes on hye.
"Ther maist thow have thy welth at wyll, "Well looged ther maist be; Yt schall not be long or I com the tyll," Sayd Syr Harry Percye. 60
"Ther schall I byde the," sayd the Dowglas, "By the fayth of my bodye:" "Thether schall I com," sayd Syr Harry Percy "My trowth I plyght to the."
A pype of wyne he gave them over the walles, 65 For soth, as I yow saye; Ther he mayd the Douglas drynke, And all hys oste that daye.
The Dowglas turnyd hym homewarde agayne, For soth withowghten naye; 70 He tooke his logeyng at Oterborne Uppon a Wedynsday.
And there he pyght hys standerd dowyn, Hys gettyng more and lesse, And syne he warned hys men to goo 75 To chose ther geldyngs gresse.
A Skottysshe knyght hoved upon the bent,[L77] A wache I dare well saye; So was he ware on the noble Percy In the dawnynge of the daye. 80
He prycked to his pavyleon dore, As faste as he myght ronne; "Awaken, Dowglas," cryed the knyght, "For hys love, that syttes yn trone.
"Awaken, Dowglas," cryed the knyght, 85 "For thow maiste waken wyth wynne; Yender have I spyed the prowde Percy, And seven standardes wyth hym."
"Nay by my trowth," the Douglas sayed, "It ys but a fayned taylle; 90 He durste not loke on my bred banner, For all Ynglonde so haylle.
"Was I not yesterdaye at the Newe Castell, That stonds so fayre on Tyne? For all the men the Percy hade, 95 He cowde not garre me ones to dyne."
He stepped owt at hys pavelyon dore, To loke and it were lesse; "Araye yow, lordyngs, one and all, For here bygynnes no peysse. 100
"The yerle of Mentayne, thow art my eme,[L101] The forwarde I gyve to the: The yerlle of Huntlay cawte and kene,[L103] He schall wyth the be.
"The lorde of Bowghan, in armure bryght,[L105] 105 On the other hand he schall be; Lord Jhonstone and Lorde Maxwell, They to schall be wyth me.
"Swynton, fayre fylde upon your pryde! To batell make yow bowen, 110 Syr Davy Scotte, Syr Walter Stewarde, Syr Jhon of Agurstone!"
6. i. e. over Solway frith. This evidently refers to the other division of the Scottish army, which came in by way of Carlisle.--PERCY.
9-11. sc. the Earl of Douglas and his party.--The several stations here mentioned are well-known places in Northumberland. Ottercap-hill is in the parish of Kirk-Whelpington, in Tynedale-ward. Rodeliffe--(or, as it is more usually pronounced, Rodeley--) Cragge is a noted cliff near Rodeley, a small village in the parish of Hartburn, in Morpeth-ward. Green Leyton is another small village in the same parish of Hartburn, and is southeast of Rodeley. Both the original MSS. read here, corruptly, Hoppertop and Lynton.--P.