He thrust out his right hand: "Put your haun’ there," he said; "you’ve spoken like a man. Dae ye mind what Horace says: ’_Carpe diem, quam minimum credula postera._’ ’Tak’ time by the forelock and never trust to the morn.’ A wise word that. Fegs, he was a marvel! In fact he’s gey near as fu’ o’ wisdom as the guid Book itsel’. We’ll tak’ time by the forelock, and between us, if the Lord wills, we’ll dae something for the persecuted hill-folk and strike a blow for Scotland and for liberty. But we’ll ha’e to be gettin’ on; the day’ll no’ tarry for us. Let us awa’."
Refreshed by our rest, we rose and took to the road again.
A long descent lay before us and till we had completed it neither of us spoke. But when we reached the foot of the hill Hector suddenly said:
"I’ve been thinkin’ aboot your story. It’s wonderfu’ what bits o’ gossip a packman can pick up on his roonds. Noo, you may be surprised to hear that I kent a’ aboot the shootin’ o’ the minister up on the hills. I heard the story frae a trooper in the inn at Gatehouse. To him it was a great joke, for he saw naething in it but the silly action o’ a daft auld man wha’s ain stupidity brocht aboot his death. I wonder, if he had kent the hale story as you and me ken it, whether he would ha’e seen the beauty o’t. I’m thinkin’ maybe no’, for to size up a thing like that richtly it maun be in a man’s heart to dae the like himsel’. Ay, what a welcome the martyr would get on the ither side!" He paused for a moment, then continued: "And it’s queer that I heard aboot you yersel’ frae the same trooper. He tellt me that they cam’ on the minister quite accidental-like; and that they werena’ lookin’ for him ava. They were oot on the hills huntin’ for a deserter, wha I’m thinkin’ was yersel’. They didna find you, he said. As a matter o’ fact they believe that ye’re deid--he said as muckle. So you may haud yer mind easy, for unless an’ ill win’ blaws and ye’re recognised by ane o’ yer fellow-troopers, ye’re safe."
We trudged on steadily towards Dumfries. My heart was with Mary, and I did not speak. The packman was silent too--but while I was living in the past he apparently was looking into the future, for he said suddenly:
"It’s a dangerous job I’m invitin’ ye to tackle--a job that calls for the best wit o’ a man, and muckle courage. I’m thinkin’ you dinna lack for either, but time will show. Ay: it will that. As for me," he continued, after a pause, "I’m no’ a religious man, but hidden in a corner o’ my soul I ha’e a wee lamp o’ faith. But it doesna aye burn as brichtly as it micht, and mony a time I sit by the roadside and compare the man I wad like to be wi’ the man that I ken masel’ to be; and it mak’s me gey humble. But I aye tak’ courage when I think o’ Peter. He found the road through life a hard path and he tripped sae often ower the stanes that I sometimes think, like me, he maun ha’e had a tree-leg. But at the end he proved himsel’ to be gold richt through, as dootless the Maister kent a’ the while." His voice broke, and, looking at him, I saw tears streaming down his cheeks.