237. Trí hamra Connacht: lige nÉothaili 'na thrácht. Comard hé frisin trácht. Intan atraig in muir, comard hé fria lán. Dirna (.i. cloch) in Dagdai, cia fochertar im-muir, cia berthair hi tech fo glass, dodeime a tiprait oca mbí. In dá chorr i n-Inis Cathaig, nocha légat corra aili leo inna n-insi [et] téit in banchorr isin fairrgi síar do duth, co tóet cona heisínib essi [et] nocon fagbat curaig eolus cia airm in doithi.
[Note 237: comaird i frisin lan N focerda a muir no cia bert_ar_ N _no_ do deime _no_ dogeibt_er_ a tibr_aid_ oca mbid N do _nó_ todeime L corr N chuirr L Ceitig N leigitt N do doich N heisenaib eisib [et] nochan fagbuid N eolus _om._ L hairm in doich N]
238. Trí luchra ata mesa: luchra tuinde, luchra mná bóithe, luchra con foléimnige.
[Note 238: _om._ LHBM luchra duine H^1 foleimnigh N]
239. Cisne trí ana soitcedach? Ní handsa són. Immarchor erlam, cuirm cen árus, cummairce for sét.
240. Trí maic beres genas do gáis: gal, gart, gaire.
241. Trí airfite dála: drúth, fuirsire, oirce.
242. Trí ata ferr do [.f]laith: fír, síth, slóg.
243. Trí ata mesa do [.f]laith: lén, brath, míairle.
244. Ceithre báis breithe: a breith i ngó, a breith cen dilse, a breith cen ailig, a breith cen forus.
245. Trí adcoillet gáis: anfis, doas, díchuimne.
[Note 245: a tri N ainbh[.f]es H^1 duas H^1]
246. Trí muime ordain: delb cháin, cuimne maith, creisine.
247. Trí muime menman: sotla, suirge, mesce.
248. Cetheora miscne flatha: .i. fer báeth utmall, fer dóer dímáin. fer gúach esindraic, fer labor dísceoil; ar ní tabair labrai acht do chethrur: .i. fer cerda fri háir [et] molad, fer coimgni cuimnech fri haisnéis [et] scélugud, brethem fri bretha, sencha fri senchas.
249. Trí dorcha in betha: aithne, ráthaiges, altrom.
237. Three wonders of Connaught: the grave of Eothaile[119] on its strand. It is as high as the strand. When the sea rises, it is as high as the tide.
The stone of the Dagda. Though it be thrown into the sea, though it be put into a house under lock, ... out of the well at which it is.
The two herons in Scattery island. They let no other herons to them into the island, and the she-heron goes on the ocean westwards to hatch and returns thence with her young ones. And coracles have not discovered the place of hatching.
